我的爸爸

自己一直都不喜歡睇「驚嚇」「恐怖」「鬼怪」的電影，原因除了不想自己用錢嚇自己之外，最重要的是自己「驚」「好鬼驚」。不過尋晚同朋友去睇《C+偵探》，原本覺得都應該會是一套不錯的劇情片，入到場愈來愈不對勁......最後當然被「嚇餐死」呢...行出戲院之後，我告訴自己今次是第一次睇「彭氏兄弟」的電影，下次「彭氏」就算拍卡通片，我都唔會睇呢......

睇完午夜埸，行出戲院，原來已經2:45am，突然間覺得旺角好大煙霞，周圍都好「迷」，後巷都覺得比平時黑......坐車返到屋企都差不多三點幾接近四點，周圍都寂靜無聲，急急步入升降機，升降機又得返我一個人〈我估應該係〉，急急拎出鎖匙開門，好想盡快入到屋，門打開了，屋裡面黑漆漆，突然見到沙發有個人影抬起頭來，看著我........我即時大叫.......


之後我爸爸施施然看著說：「我訓醒呀嫲...」我就回答「咁你坐多陣，就好去訓呢...................」